Tembang Macapat Pocung

Tembang Macapat Pocung
1.

Sekolahku kang dadi pepinginanku
Cedhak karo umah
Ora adoh saka margi
Yen numpak pit uga gampang luwih penak

2.

Pra kancaku sing wadon lan para kakung
Padha gegojegan
Ning sinau ora lali
Yen wulangan ra pareng padha clometan

-- Guru gatra ne tembang Pocung ana 4
-- Guru lagune tembang Pocung : U, A, I, A
-- Guru wilangane tembang Pocung : 12, 6, 8, 12

Tembang Macapat Pangkur TAHUN ANYAR

Taun Anyar

Pangkur

1.

Warsa kang minangka batas,
Yuswa tumrap kabéh ingkang kumelip,
Minangka kang pangangkah,
Murih bisa piguna tumrap sliramu,
Taun anyar dadi tandha,
Manungsa kudu sing éling.

2.

Lamun yuswa tambah tuwa,
Ingkang mudha dadi déwasa yêkti,
Ingkang tuwa tambah pikun,
Kabeh lumaku rancag,
Taun anyar bebarengan dipun pethuk,
Nanging aja mung mahargya,
Ingkang ora migunani.

3.

Becik ira ngulatana,
Taun wingi apa kang wus dén udi,
Kanggo ngrancang ingkang durung,
Perlu 'nggo tetimbangan,
Pengalaman iku dadi tuladhamu,
Taun anyar kudu béda,
Dipun ésthi luwih bêcik.

Pangripta Suwardi, Warisan Geguritan Macapat, Balai Pustaka

Tembang Macapat GAMBUH AJA DHEMEN UTANG

AJA DHEMEN UTANG

Gambuh

1. Mrih aja pijêr mumbul
    Kabéh sêsanggan jroné uripmu
    Butuh ira dén tliti angati ati
    Aja kongsi waton antuk
    Utang banjur gampang tlédhor

2. Utang-utangan iku
    Pakulinan kang bangêt angganggu
    Katêntrêman jroné galih sabên ari
    Tansah goréh rasanipun
    Marakaké awak loyo

3.

  Upamané kabacut
   Sing diarah aja nganti imbuh
   Tan wurung ingkang nyaur sira pribadhi
   Iya lamun sira iku
   Isih waras tan kêtanggor

4. Lamun pêsthi pinundhut
    Yuswanira wis wanci dipuput
    Mati iku ora têgês anglunasi
    Utang nalika uripmu
    Kang dadi gawan sing abot.

5. Wiwit iki wis kudu
    Karo utang tansah nganggêp mungsuh
    Awit iku nguripi bangsa réntêrnir
    Uripé padha dén émut
    Konomi ja nganti bobrok


Panvripta Suwardi, Warisan Geguritan Macapat, Balai Pustaka.